დახმარებაPhone
Messenger
WhatsApp

a-journal

რისთვისაა საჭირო კედლის ხელოვნება სამუშაო გარემოში?

by Nini Lekishvili

ხელოვნება და დეკორი ყველა თანამშრომლის ხასიათზე, ენერგიაზე, კრეატიულობასა და პროდუქტიულობაზე ახდენს გავლენას. გარდა იმისა, რომ ხელოვნებას ადამიანების პერსპექტივისა და მსოფლხმედველობის შეცვლის ძალა აქვს, მეცნიერულად დადასტურდა, რომ ის ტვინის ფუნქციონირებასა და ნერვულ სისტემაზე მნიშვნელოვან პოზიტიურ ეფექტს ახდენს და სეროტონინის დონის გაზრდაც შეუძლია. წარმოგიდგენთ ხუთ შედეგს, რომლებსაც კედლის ხელოვნება მოუტანს თქვენს კომპანიას.

ხელოვნება ამცირებს სტრესს

სახვითი ხელოვნების გარემოცვაში ყოფნა სტრესის შემამცირებელია - როგორც პაბლო პიკასომ თქვა

“ყოველდღიური ცხოვრების მტვერს ჩვენს სულებს ხელოვნება აშორებს.”

ამ დაკვირვებას მეცნიერული კვლევებიც ამყარებენ - შთამაგონებელი ნახატები თუ პრინტები დამკვირვებელზე თერაპიულად მოქმედებენ. დღევანდელ სამყაროში სტრესი ერთ-ერთი ყველაზე გავრცელებული პრობლემაა, რომელიც ჩვენი პოტენციალის მაქსიმალურად გამომჟღავნებაში წინ გვეღობება.

აქედან გამომდინარე, ოფისში გემოვნებიანად შერჩეული კედლის ხელოვნებით აქ მომუშავეთათვის შესაძლოა მშვიდი, ჰარმონიული განწყობის შექმნა.

კედლის ხელოვნება ტვინის ფუნქციონირებას ავითარებს

რაც უფრო მეტ დროს ვუთმობთ ხელოვნების ნიმუშის გაანალიზებას, მით უფრო მეტად ვასტიმულირებთ ტვინის ქვეცნობიერ და ცნობიერ ფუნქციებს. აქედან გამომდინარე, უმჯობესდება ანალიტიკური და პრობლემის გადაჭრის უნარ-ჩვევები, რომლებიც ყოველდღიურ სამუშაო გარემოში საკრალური მნიშვნელობისაა.
კედლის ხელოვნება სამუშაო გარემოში პროდუქტიულობას ზრდის

ინოვაციური, შთამაგონებელი ხელოვნება კრეატიული იდეების გენერირებას ხელს უწყობს. იქიდან გამომდინარე, რომ ჩვენი გონება ესთეტიურ გარემოში უფრო კონცენტრირებული ხდება, საინტერესო შინაარსის მქონე პრინტებით სამუშაო გარემოს მეტად პროდუქტიულად ქცევა შესაძლებელია. ამ პრინციპს იყენებს Deutsche Bank, რომელსაც სხვადასხვა ოფისებში ჯამში 60, 000 ნამუშევრისგან შემდგარი საოცარი კოლექცია აქვს - “ხელოვნება მსოფლიოს ირგვლივ სხვადასხვა სოციალურ, პოლიტიკურ და ეკონომიკურ მდგომარეობაზე გვიქმნის წარმოდგენას, ამიტომ ხელოვნების ოფისში შემოტანა ჩვენი ბიზნესისთვის ხელის შემწყობია - ის გვეხმარება კლიენტებისთვის ახალი იდეების განვითარებასა და მსოფლიოს ტემპისთვის ფეხის აწყობაში” - განაცხადა ბანკის ხელოვნების დეპარტამენტის ხელმძღვანელმა, ფრიდჰელმ ჰუტმაThe Guardian-თან ინტერვიუში.

ხელოვნება ქმნის ბრენდის იმიჯს

ოფისის ინტერიერი, განსაკუთრებით კი დეკორაციები, ბრენდის პრიორიტეტებსა და ღირებულებებზე ყველაზე უკეთ გვიქმნის წარმოდგენას. ცარიელი, უტყვი კედლები თანამშრომლების დამოკიდებულებასთან ერთად ოფისის სტუმრების განწყობაზეც მოქმედებს, ამიტომ კომპანიის ფილოსოფიის გამომხატველი პრინტებით შესაძლებელია პატივსაცემი რეპუტაციის შექმნა და სასურველი მესიჯების გაგზავნა.



დეკორი ხელს უწყობს თანამშრომლებს შორის კომუნიკაციას

ვაღიაროთ - პანდემიის შემდეგ ოფისში დაბრუნება ყველას არ გაგვხარებია. თანამშრომლებთან კონტაქტი და მეგობრული ურთიერთობების ჩამოყალიბება კი ფიზიკური სამუშაო გარემოს ერთ-ერთი მთავარი ხიბლია. დიალოგის აღმძვრელი ინტერიერის დიზაინის ელემენტები, მათ შორის, პრინტები, შესაძლოა პირველი ნაბიჯი გახდეს თანამშრომლებთან დაახლოებისას და მეგობრული ურთიერთობების გაჩენაც გამოიწვიოს.



დაათვალიერე კოლექციები

ჟან-მიშელ ბასკია
ენდო უოწრჰოლი
Made on
Tilda