როგორ გავაფორმოთ კედლები ფენ შუის მიხედვით?

სახლის ნახატებით, პრინტებით თუ დეკორაციებით გაფორმებაზე ფენ შუისგან ბევრი რჩევის მიღება შეგვიძლია. ფენ შუი აღმოსავლური ფილოსოფიაა, რომელიც ბედნიერების, წარმატებისა და ბალანსის მისაღწევად საცხოვრებლის სწორად მოწყობას გვასწავლის, ამიტომ ამ მითითებებისა და აკრძალვების გათვალისწინებით შესაძლოა, კედლის ხელოვნებით ცხოვრების გეზი შეიცვალოთ. ფენ შუი გვირჩევს, რომ:

1.

შევარჩიოთ სახლის დეკორაციები იმ ენერგიის მიხედვით, რომელიც ამა თუ იმ სივრცეში გვესაჭიროება. მაგალითად, ნაზი და მგრძნობიარე ხელოვნება საძინებელ ოთახში განვათავსოთ, აქტიური და ენერგიული ტალღების მქონე ნამუშევრები კი სასტუმრო ოთახსა ან ოფისში.

2.

საჭიროა, დავიცვათ ჯანსაღი ბალანსი ხელოვნების ნიმუშებსა და ცარიელ სივრცეებს შორის, არ გადავტვირთოთ კედლები.

3.

ოთახის ჩრდილოეთი კედელი კარიერასა და წარმატებაზე ახდენს გავლენას. ამ კედლისთვის ისეთი პრინტები უნდა შევარჩიოთ, რომლებზეც წყლის ელემენტებია გამოსახული - ოკეანე, შადრევანი, ჩანჩქერი ან თევზები.

4.

დასავლეთი კედელი მაცხოვრებლის შემოქმედებითობაზე მეტყველებს. ხელოვნების მოყვარულებს შეუძლიათ ეს კედელი გააფორმონ ისეთი ავანგარდული მოძრაობების ნახატებით, როგორებიცაა კუბიზმი, აბსტრაქტული ექსპრეზიონიზმი, ან დადაიზმი. ასეთი ნამუშევრები საზღვრების ჩამოშლისა და ყუთის გარეთ ფიქრისკენ გვიბიძგებს.

5.

აღმოსავლეთ კედელზე ბუნების სიცოცხლისუნარიანობის ამსახველი პრინტებით ჩვენს ჯანმრთელობასა და ოჯახის კეთილდღეობაზე დადებითად ვიმოქმედებთ. ფენ შუის მიხედვით, ამ კედელზე შეგვიძლია ოჯახური პორტრეტების განთავსებაც.

6.

საწოლის მოპირდაპირე კედელზე ისეთი დეკორაციები უნდა დავკიდოთ, რომლებიც ჩვენთვის შთამაგონებელია. ეს შეიძლება იყოს ნებისმიერი რამ - სიმბოლოების, ფერების, ფორმების ის კომბინაცია, რომლებიც ჩვენს შესაძლებლობებში გვარწმუნებს.

რჩევებთან ერთად, ფენ შუი სახლის ხელოვნების ნამუშევრებით გაფორმებისას აკრძალვებსაც გვიწესებს, მაგალითად:

თავი შეიკავეთ ისეთი ნახატების სახლში განთავსებისგან, რომლებიც მუქი აურით გამოირჩევა და შფოთვას, სევდას ან უიმედობას გამოსახავს.

გრძელი სამუშაო დღის შემდეგ, საძინებელი ოთახი ის სივრცეა, სადაც სრულიად შეგვიძლია მოდუნება. ამ ოთახში არ უნდა დავკიდოთ ისეთი ვიზუალური პრინტები, რომლებიც ასახავენ აგრესიას ან ძალადობრივ ენერგიას, რადგან ამით ფენ შუის ენერგიას დავასუსტებთ.

როგორც უკვე აღვნიშნეთ, ფენ შუის მიხედვით აღმოსავლეთი კედლის გაფორმება ჯანმრთელობასა და ოჯახზე მოქმედებს, ამიტომ ეს კედელი ცარიელად არ უნდა დავტოვოთ.

ის ნიმუშები, რომლებსაც კედლებზე დავკიდებთ, ერთმანეთს ჰარმონიულად უნდა ერწყმოდნენ, რათა ხუთი ელემენტის - მიწის, წყლის, მეტალისა და ხის ბალანსი არ დაირღვეს.

როგორც ვხედავთ, კედლის ხელოვნების შერჩევა საპასუხისმგებლოა და გემოვნებასთან ერთად, ენერგიების ძალაში გაცნობიერებასაც მოითხოვს. artio-ს რჩეული, ექსკლუზიური რეპროდუქციებით შეძლებთ ფენ შუის წესების დაცვას და თქვენი სივრცისთვის ესთეტიური ღირებულების შეძენას.